Xa rematou cuarto e estamos ecantados e encantadas con irnos de vacacións. Antes de despedirnos fixemos algo de valoración do feito este curso. Escribimos uns textos e pensamos en publicalos. Non houbo tempo de refacelos pero é unha mostra para dicir adeus a este ano.
Aí van uns cantos. Todos están asinados.
bo verán!!!
Recordando
Cuarto 2013-2014
Na clase
Este
ano viñeron dúas nenas novas, María e
Nastasia, con elas somos 25 nenos e nenas contando con Tere, a profe. Pouco a
pouco fóronse acostumando a nós e aprendendo os seus nomes e costumes.
Excursións
Fixemos
excursións didácticas e de lecer como cando fomos á exposición de “Auga doce”,
en Santiago; á Domus e á Casa das Ciencias, na Coruña; a Alvarella, nas Fragas
do Eume... Encántame ir de excursión coa clase!! :)
Festas
Como
todos os anos celebramos o Samaín, o Nadal, o Día das Árbores e Poesía, Día
das Letras Galegas... No Samaín fun de demo. No Entroido disfraceime de
labrega. No Día das Letras Galegas homenaxeamos a Díaz Castro.
O horto
O
profesorado, partindo dunha idea da ANPA, convidounos a poñer un horto no
colexio e a nós pareceunos ben. Situámolo ao pé do campo de fútbol descuberto e
fixemos un montón de actividades:
Veu
Tino co seu tractor a arar a terra.
Examinamos
a terra con Patricia, unha bióloga, e puxémosnos contentos porque tiñamos moi
boa terra
Aproveitando
que era outono, collemos as follas e botámolas para abonar.
Pouco
a pouco, plantamos amorodos, chícharos, patacas, cebolas, ceboliñas, esponxas vexetais...E,
para acompañalas, cinco froiteiras, plantas aromáticas e framboesas.
Agora
algúns froitos xa están maduros e probámolos. Os nenos e nenas de 1º cociñaron
un prato con xamón, chícharos e tirabeques. Mmmm! Estaba riquísimo.
Este
proxecto gustoume porque colaboramos e aprendemos cousas novas. Encantoume
4º!!! J
E... Feliz Verán!
Carla Redondo Porto
O CURSO DE 4º E.P
Eu vou contar o que
fixemos ao longo deste curso.
Ao empezar as clases, viñeron novas
compañeiras, María e Nastasia, e presentámonos todos.
Ao longo do curso tivemos unha idea
de facer un horto ecolóxico. Estivemos buscando o lugar axeitado, onde haxa
sombra e faga sol. Decidimos poñelo ao suroeste do cole, foi unha boa decisión.
Tivemos moitas ideas e plantamos moito. Todo está escrito nun caderno.
Logo chegaron os exames do primeiro
trimestre, mentres o horto crecía.Tivemos tamén excursións ben merecidas e que
me gustaron moito.
Antes de marchar de vacacións,
fixemos unhas probas coa terra do horto, os animais que habitaban nela... para
saber se valí ou non. Todo isto fixémolo coa axuda de Patricia, unha amiga
bióloga. Segundo puidemos comprobar a terra non era demasiado mala para
plantar. Púxenme moi contento. Entre todos buscamos onde situar cada planta.
En febreiro, no Entroido,
disfrazámonos de cousas que tivesen que ver co horto: granxeiros, abellas,
árbores, froitos, toupas... Foi moi divertido!
Coa chegada da primavera, empezamos
a plantar na nosa horta. Comezamos con brócoli, uns pés de tomate e unhas
árbores. Agora creceu moito e temos herbas aromáticas, cabazas, cabaciño e ata esponxas
vexetais.
Ao longo do terceiro trimestre,
houbo algo que nos empezou a dar medo, a
avaliación diagnóstica. É unha proba que se lle fai a cada grupo español de 4º
E.P. para ver o nivel de competencia. Entrou mate, medio, lingua e lengua.
Menos mal que xa pasou!
Estes últimos días de clase estamos
estreando unha mangueira cunha pistola para regar o horto. Dentro de nada
acabará cuarto.
Feliz verán! Gustoume moito este
curso!
Teo Martínez De
Lorenzo
Empezar e rematar 4º
Neste curso viñeron dúas persoas novas,
Anastasia e María, e agora somos 25 coa profesora. Pouco a pouco, fóronse
acostumando.
A nosa profesora contounos que iamos facer
un horto. Foi fantástico!
Puxémolo cerca do campo de fútbol pero
afastado das pelotas, claro. Primeiro pasamos o tractor e logo abonamos con
restos do composteiro e follas do patio. Pasado o inverno, fixemos os regos e sementamos,
e agora recollemos algún froito.
Ao final quedounos unha horta chulísima
e no blogue facemos textos falando dela e poñemos as nosa fotos.
Hai uns días, o alumnado de 1º, convidounos
a probar unha comida que fixeran eles
con froitos que recolleran no horto. Nós probamos encantados. O prato estaba
exquisito!!!
Agora vou falar da clase:
Na clase levámonos todos ben e ultimamente,
un grupiño de nenos e nenas da clase empezaron a xogar ao fútbol xuntos e foron
arrastrando aos demais. É moi gozoso. Cando fai sol, imos mollar a cabeza na
billa do horto. Está guai!
A miña valoración:
Eu creo que estamos todos moi unidos,
ata a profesora, e creo que deberiamos estar todos xuntos en 5º e 6º.
E estou triste porque chega o verán e vouvos botar de menos.
David Gayo Rodríguez
Adeus 4º curso, ata o ano que vén!
Este curso estiven ben
na clase, cos compañeiros e coa profe. Xoguei cos meus amigos ao pilla pilla e
ás agochadas. Aprendemos que hai que facer para estar ben, como facer novas
amizades … Este ano viñeron 2 compañeiras novas que viñan doutro colexio e xa
somos 24.
Ao longo do curso
fixemos un horto na escola. Primeiro aramos co tractor e nós aproveitamos para pisar
cos pés porque a terra estaba brandiña. Logo, recollemos follas no patio e
botámosllas para abonar.
Nel plantamos
chícharos, cenorias, leituga, aromáticas, brócoli, tomates, cebola, un
laranxeiro e outras froiteiras … Os da nosa aula imos moitas veces alí para
regar, plantar e coidar das plantas.
Gustoume!
Fátima
Cebey Naveiro
4º remata pero con moi bos recordos
Para min este curso
foi un dos mellores por varias razóns, entre elas porque estiven bastantes días
no horto que se fixo no cole grazas a unha idea do profesorado.
Primeiro veu Lino e
fresou a terra e logo nós preparamos o terreo para poder plantar. Cada curso
puxo algo e, entre todos, fixemos un horto moi variado con: chícharos,
amorodos, leitugas, millo, patacas, allo porro, cenorias, brócoli, esponxas
vexetais …
Ademais, este ano,
fixen novas amizades, María e Nastasia, dúas nenas novas, e tamén mellorei a
amizade cos meus compañeiros de antes, cuns máis que con outros, claro, pero
lévome ben con todos.
Neste curso tamén
madurei porque me centrei máis nos estudos. Tiven e teño moi boa relación coa
miña profesora, Tere, porque me sinto escoitada cando falo. Gustoume moito a
excursión que nos fixo ao remate do ciclo; levounos unha fin de semana a
Alvarella (en Pontedeume) e paseino moi ben.
Por outro lado, nos
recreos xogo ao fútbol (antes non o facía). É moi divertido e paréceme un
deporte que tamén podemos practicar as nenas.
Hoxe, 14 de xuño,
celebrei o meu aniversario no colexio e gustoume moito. As caricias que me
deron, na aula, foron moi bonitas todas pero a que máis me chegou ao corazón
foi a do meu mellor amigo, Anxo.
Este mércores voume
operar e levarei aos meus compañeiros no corazón; mesmo cando estea no
quirófano pensarei na miña familia e neles.
Este curso foi o
mellor porque me relacionei máis cos meus compañeiros e compañeiras, porque
traballei no horto e porque me sentín moi ben na clase.
Ana Beiroa
Ons
O QUE MÁIS DESTACO DESTE CURSO
Neste curso de cuarto
houbo unha innovación con respecto os outros anos. O profesorado e o alumnado en
conxunto, fixemos un horto nunha zona do patio. O primeiro foi fresar o terreo
e logo nós abonámolo coas follas das árbores do patio. Ademais houbo que
analizar a terra para saber da súa fertilidade.
Logo, no medio do
inverno, fixemos os sementeiros de brócoli, leituga, … e plantas de xardín como
os caraveis indios, que aproveitamos para lles regalar ás nosas nais polo seu
Día.
Tamén plantamos
directamente no horto: amorodos, ceboliñas, patacas, azafrán, millo, chícharos,
cenorias, etc.
Agora xa estamos
recollendo algúns froitos coma os amorodos e os tirabeques. Son poucos pero
están ricos.
Tivemos varias saídas
ao longo do ano, entre elas: visitar unha explotación gandeira de Feiraco; ir
ao Museo do Home e Casa das Ciencias, na Coruña; ver algunha obra de teatro; ir
á Cidade da Cultura; pasar unha fin de semana en Alvarella…
A min o do horto gustoume
moito e paréceme unha experiencia moi positiva. Grazas Tere, pola túa axuda en
todos os sentidos.
Anxo Blanco Pazos
ESTE ANO EN BAROUTA
Este curso, ao retorno das
vacacións de verán, alegreime de ver a todos os compañeiros e compañeiras do
ano pasado e tamén a dúas nenas novas, Nasti e María.
O curso foi andando e aló por
marzo, tivemos una excursión a Coruña. Pola mañá visitamos a Domus, onde
aprendemos moitas cousas do noso corpo. Pola tarde, fomos á Casa das Ciencias e
ao planetario. Xantamos e xogamos nun parque que hai ao pé deste museo.
Dentro da Casa das Ciencias,
había moitos xogos para probar; todos moi curiosos coma un bambán no que soamente se balanceaba un só.
Tamén participamos no coidado
do horto do cole. Este horto ten como
varios apartados: no 1º espazo, plantamos amorodos, ceboliño, cenorias … no 2º, puxemos brócoli, aromáticas, ceboliño
e algunhas flores. No 3º, millo, fabas, xudías … e no 4º, patacas, coles e
chícharos. No lateral dos amorodos puxemos unhas flores e plantas das
framboesas.
Completamos o espazo cunha
moreira e unhas árbores froiteiras. No medio do horto, entre os chícharos e as
flores, hai un espantallo que fixemos no Entroido. É que este ano o tema foi
dos disfraces foi sobre o horto.
Xa en xuño, o venres día 6,
tivemos una excursión a Santiago, para ver a exposición “Auga Doce” na Cidade
da Cultura. E, ao dia seguinte, tivemos a derradeira excursión do ano: pasar unha fin de semana en Alvarella, un albergue de ecoturismo. Fomos todos
agás Dani e Fati. Pasámolo moi ben e aprendemos moito. Visitamos e pateamos as
Fragas do Eume, un lugar moi fermoso.
Foi unha experiencia inesquecible.
Andrea
Suárez Vázquez
ADEUS 4º DE PRIMARIA, OLA 5º!!
Neste curso, tivemos na clase dúas
compañeiras novas chamadas Nastasia e María. Son unhas nenas listas, amables e
simpáticas. Pero agora vou contar sobre unha actividade que houbo ao longo de
todo o ano e na que participei moito.
O HORTO
No primeiro trimestre, a profe
díxonos que iamos facer un horto no colexio.
Veu Lino co seu tractor para arar a
terra.
Na aula, coa axuda da bióloga
Patricia, fixemos un experimento para coñecer como era a terra que había e
saber onde podiamos situar o noso horto, protexido do vento e que lle dera sol.
No segundo trimestre, comezamos a
facer a distribución do espazo. Fixemos uns regos para ver onde poñiamos cada
planta.
No terceiro trimestre, comezou a
plantación propiamente dita: amorodos (que xa os puxeramos en febreiro),
cebola, árbores froiteiras, leituga, chícharos, brócoli … este venres pasado,
os nenos e nenas de 1º, cociñaron os chícharos e tirabeques que recolleran e
estaban riquísimos. Mmmm!
Toda esta semana andamos moi
pendentes do horto, regar, quitar malas herbas, porque xa nos imos de
vacacións.
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡GUSTOUME ESTE
CURSO!!!!!!!!!!!!!!!!!!!!!!!!!!!!!!
JESSICA
UN ANO QUE PASOU
Nos,
todo o colexio de Barouta, fixemos un
horto neste curso 2013-2014. Nel plantamos amorodos, leituga, brócoli ... e aínda
estamos plantando máis.
Ás veces, algúns nenos no recreo, axudamos a Tere
no horto. Eu o que acostumo a facer é regar as plantas. Xa recollemos algúns froitos
e cociñámolos. Probamos unha minestra cos chícharos e tirabeques que estaba
deliciosa! e pensamos facer máis. Encántame ir ao horto de vez en cando.
A
nosa profe ten unhas amigas que nos
axudan coas cousas do horto. Unha delas, deunos unhas cantas plantas e sementes
para que as puxeramos no noso horto; coma por exemplo unhas esponxas vexetais
que nos deu Luísa.
Valoración:
Paseino xenial todos estes anos cos meus compañeiros e coa profe, Tere.
GUSTARÍAME SEGUIR CON ELA ATA SEXTO, POLO MENOS, E COS MESMOS COMPAÑEIROS AÍNDA
MÁIS... TERE É A MELLOR PROFE;).
Uxía Penas Atanes
O curso de 4º
Este curso estiven moi ben cos meus compañeiros e compañeiras.
O primeiro trimestre gustoume moito porque estiven traballando
en moitas cousas pero tamén moi nerviosa coa idea do horto.
No segundo trimestre, estivemos traballando máis no horto. Foi
cando fixemos os regos, a distribución das plantas, puxemos os amorodos ...
No terceiro trimestre xa fixemos a plantación e puidemos ver
como ían nacendo e medrando os chícharos, os amorodos … algúns probámolos.
Tamén seguimo poñendo moitas cousas no blogue. Estiven moi
contenta coa profe.
Estou moi contenta con este curso!!!!!!!!!!!!!!!!!!!!!
CURSO NOVO NO
COLEXIO DE
BAROUTA
En setembro de
2013 , no colexio de Barouta , como todos os anos comezaron as clases.
Este ano, na
nosa clase de 4º, viñeron dúas nenas
novas, María e Nastasia. Elas compórtanse moi ben e todos somos amigos.
Este curso foi
distinto aos outros porque comezamos unha actividade de formar un horto na
parte dianteira do cole, nunha zona do patio.
O horto ten
grande extensión . Os primeiros días veu Patricia, unha bióloga, que analizou a
calidade da
terra. Unha vez comprobado que podiamos levalo a cabo, o colexio chamou a un
home para que, co seu tractor, removese
a terra e así puideramos empezar a plantar.
Foi pasando o
tempo e, pouco a pouco, foron chegando as ferramentas para traballar e tamén as sementes coas que facer os sementeiros para
logo plantar.
Cando xa
tíñamos distribuídos os regos plantamos: herbas aromáticas, árbores e arbustos
que dan froitos, plantas para a decoración …
Fai pouco,
unha persoa que ten un blogue sobre a horta ecolóxica, aconsellounos poñer
unhas esponxas vexetais, unha planta que é moi curiosa, e que temos nunha zona
soleada do horto. Cada día vamos ao noso horto con moita ilusión por ver todas
esas plantas tan fermosas.
-
Este
proxecto non sería posible sen a colaboración de María Luísa Vázquez Souto (que
nos axudou moito coas súas ideas).
-
Agora
xa se ven claramente: cenorias, cebolas, chícharos, amorodos, leitugas, millo,
fabas, caraveis indios, margaridas, esponxas …
Rebeca Rivas Gómez
4º E.P. CEIP Barouta
4º E.P. CEIP Barouta